17. júní - málverkasýning

Hópur myndlistarfólks kemur saman og opnar sýninguna 17 júní i Lost horse gallery. Allir i hópnum eru að fást við málverk, en á mjög mismunandi hátt.

Þjóðhátíðardagurinn er góður dagur til að bera á borð nýja myndlist fyrir augu almennings og þá um leið að halda í heiðri gamalli venju. Það tiðkaðist lengi að opna stórar samsýningar i Listamannaskálanum og Bogasalnum á 17. júní. Að halda í gamlar hefðir, sýna hvað ungt listafólk er að fást við og þjóðhátíðardagurinn. Þrjár góðar ástæður til að halda sýningu.

Sýningarstjórar eru Davíð Örn Halldórsson (f. 1976) og Alexander Zaklynsky (f.1978). Þeir hafa valið saman listafólk sem tengist einna helst í gegnum miðil málverksins.

Sýnendur eru : Tómas Magnússon, Davíð Örn Halldórsson, Halldór Ragnarsson, Jóhanna Helga Þorkelsdóttir, Hrafnhildur Guðmundsdóttir, Guðmundur Thoroddsen, Þrándur Þórarinsson, Bergþór Morthens, Helgi Örn Pétursson, Katrín Friðriks , Alexander Zaklynsky og Aron Bergmann.

Sigtryggur Berg Karlsson og Ásmundur Ásmundsson verða með uppákomur á opnunardaginn.

Guðmundur Oddur Magnússon grafískur hönnuður og prófessor við LHÍ skrifar leiðara í sýningarskrá.

17. júní
Þriðjudagurinn 17. júni 2008.

Prev | Next